هغه مستي هغه غورځنګ نه کوي . صاحب شاه صابر
صاحب شاه صابر د پښتنو ژبي لوي شاعر دې د صاحب شاه صابر ټول شعرونه دلته تاسو کتلای سئ
هغه مستي هغه غورزنګ نه کوي
سترګې دې اوس دَ مينې جنګ نه کوي
دَ پېغلتوب دَ مستۍ خېر خو دې وي
بنګړي دې شور نه کوي شړنګ نه کوي
زمونږ دَ ښار ښاپیرۍ اوښکې پيري
زمونږ دَ غره غاړې لونګ نه کوي
هغه هم ستا دَ بڼو وبوږنېږي
چې دَ سنګزنو تورو سنګ نه کوي
مونږ په دې لاره بلا وينې توې کړې
خو هسې نه رڼېږي رنګ نه کوي
دَ محبت په سيند وينځلي زړونه
په خِیرو نه خړيږي زنګ نه کوي
صابر دَ مينې دَ نشې اموخته
په صابر بنګ نه لږي بنګ نه کوي
♥️♥️♥️
دا هم کتلای شی
تبصرے
ایک تبصرہ شائع کریں